Fréttir

7. maí 2013

Ársfundur Íslenska lífeyrissjóðsins 2013

Ársfundur Íslenska lífeyrissjóðsins verður haldinn miðvikudaginn 29. maí n.k. kl. 17.00. Fundurinn verður á Hilton Reykjavík Nordica.

Bent er á að tillögur um breytingar á samþykktum þurfa að berast stjórn með skriflegum hætti tveimur vikum fyrir ársfund.
Tillögur til ályktunar sem taka á fyrir á ársfundi þurfa að berast stjórn með skriflegum hætti viku fyrir ársfund.

Allir sjóðfélagar og rétthafar eiga rétt á setu á ársfundinum.

Framboðum aðalmanna til stjórnar skal skila inn til stjórnar viku fyrir ársfund. Tillögur og framboð skulu berast til stjórnar Íslenska lífeyrissjóðsins, Austurstræti 11, 101 Reykjavík.

Dagskrá fundarins er samkvæmt samþykktum sjóðsins:

  1. Skýrsla stjórnar
  2. Kynning á ársreikningi
  3. Gerð grein fyrir fjárfestingarstefnu sjóðsins
  4. Gerð grein fyrir tryggingafræðilegri athugun
  5. Kosning aðal- og varamanna í stjórn
  6. Kosning endurskoðanda
  7. Tillögur um breytingar á samþykktum
  8. Laun stjórnarmanna
  9. Önnur mál

Stjórn Íslenska lífeyrissjóðsins hvetur sjóðfélaga til þess að mæta á fundinn.