Launagreiðendur

Lífeyrissparnaður

Íslenski lífeyrissjóðurinn býður upp á fjölbreytta valkosti í lífeyrissparnaði sem henta ólíkum markmiðum viðskiptavina. Öllum launþegum ber að greiða í lífeyrissjóð sem er grunnurinn að lífinu eftir starfslok. Viðbótarlífeyrissparnaður er valfrjáls og tryggir lífsgæði og eykur fjárhagslegt sjálfstæði á efri árum.



Skilagreinar og greiðslur

Skilagreinar þurfa að fylgja með skilum á lífeyrisiðgjöldum svo skráning greiðslu fari á réttan mánuð og launþega.

Rafræn skil - launakerfi

  • Einföld lausn fyrir þá sem geta sent rafrænar skilagreinar beint úr launakerfum.
  • Sjóðurinn gerir ekki kröfur um sérstakt notendanafn og lykilorð. Launagreiðandi velur slíkt sjálfur sé þess þörf í launakerfi.
  • Krafa myndast í netbanka launagreiðanda, sé þess óskað, eða millifært er á reikning sjóðsins.
  • Nánari upplýsingar um rafræn skil í launakerfi.

Rafræn skil - launagreiðendavefur

  • Fyrir þá sem ekki hafa kost á að senda skilagreinar beint úr launakerfum.
  • Hægt að skrá nýjar skilagreinar, afrita eldri skilagreinar og senda textaskrár.
  • Krafa myndast í netbanka launagreiðanda, sé þess óskað, eða millifært er á reikning sjóðsins.
  • Launagreiðendavefur


Sjálfvirkar skilagreinar og beingreiðslur

Sjálfstæðir atvinnurekendur með fastar mánaðarlegar greiðslur geta óskað eftir sjálfvirkum skilagreinum með því að senda upplýsingar á lifskil@landsbankinn.is eða í síma 410 7910.

Hægt er að velja um mánaðarlegar beingreiðslur, fá kröfu í netbanka eða millifæra á reikning sjóðsins.

Íslenski lífeyrissjóðurinn

Kennitala: 430990-2179
Bankareikningur: 111-26-515255
Númer lífeyrissjóðs:



Innheimta

Gjalddagi og eindagi iðgjalds

  • Gjalddagi iðgjalda er 10. dagur næsta mánaðar.
  • Eindagi er síðasti virki dagur næsta mánaðar.

Ef iðgjald er ekki greitt fyrir eindaga leggjast á það dráttarvextir frá gjalddaga til greiðsludags.

Innheimtuferli

  • Aðvörun er send 15. dag næsta mánaðar á eftir eindaga og veittur er 10 daga frestur.
  • Innheimtubréf er sent mánuði síðar hafi greiðsla ekki borist og ekki um hana samið.
  • Skuldin er send í lögfræðiinnheimtu 3 mánuðum frá eindaga.

     

    RSK

    Ríkisskattstjóri sendir árlega upplýsingar yfir vangoldin iðgjöld vegna síðastliðins árs til lífeyrissjóða sem ber að innheimta vangoldin lögbundin lífeyrisgjöld ásamt og áföllnum vöxtum.