Lífeyrissparnaður er ein mikilvægasta eign okkar. Með lögbundnum lífeyrissparnaði hjá Íslenska lífeyrissjóðnum ávinnur þú þér ævilangan lífeyri og lífeyrissparnað í formi frjálsrar séreignar, bundinnar séreignar og samtryggingar. Þú nýtur einnig réttar til örorkulífeyris, makalífeyris og barnalífeyris.
Lögbundinn lífeyrissparnaður tryggir þér allt að 56% af meðallaunum þegar kemur að töku lífeyris. Lögbundinn lífeyrissparnaður nemur að lágmarki 12% af heildarlaunum einstaklings og skiptist þannig að launagreiðandi greiðir 8% á móti 4% framlagi launþegans.
Þeir sem ekki eru bundnir af ákvæðum kjarasamninga eða laga er frjálst að greiða lögbundinn lífeyrissparnað til Íslenska lífeyrissjóðsins. Öllum er heimilt að greiða viðbótarlífeyrissparnað til Íslenska lífeyrissjóðsins.
Hjá Íslenska lífeyrissjóðnum skiptist lögbundinn lífeyrissparnaður í samtryggingu, bundna séreign og frjálsa séreign.
Frjáls séreign getur myndast vegna viðbótarlífeyrissparnaðar eða lögbundins lífeyrissparnaðar. Allt framlag til viðbótarlífeyrissparnaðar er fært inn sem frjáls séreign. Hluti af lögbundna iðgjaldinu er einnig fært inn sem frjáls séreign og er það breytilegt eftir útgreiðsluleiðum hversu hátt hlutfallið er. Frjáls séreign er laus til eingreiðslu við 60 ára aldurinn.
Bundin séreign tilheyrir eingöngu rétthafa og er erfanleg. Hún er laus til mánaðarlegrar útgreiðslu frá 70 ára aldri.
Samtrygging er sá hluti framlags þíns sem fer í sameignardeild lífeyrissjóðsins. Hún erfist ekki og ekki er hægt að flytja hana milli lífeyrissjóða. Samtrygging tryggir þér ævilangan ellilífeyri sem og maka-, örorku- og barnalífeyri. Hversu hátt hlutfall greitt er til samtryggingar fer eftir valinni útgreiðsluleið.
Viltu ráðstafa þínum lífeyrissparnaði sem mest sjálf/ur? Eða viltu tryggja að sem mest af séreign þinni erfist? Hjá Íslenska lífeyrissjóðnum getur þú valið um tvær útgreiðsluleiðir. Munurinn felst í skiptingu milli samtryggingar, bundinnar séreignar og frjálsrar séreignar.
Hentar þér ef þú vilt eiga möguleika á að njóta sparnaðarins snemma og ráðstafa honum sem mest sjálf/ur. Frjáls séreign erfist, en samtryggingin erfist ekki.
Sjá nánar um Blandaða leið (Leið I)
Hentar þér ef þú vilt leggja áherslu á að sem mest af séreign þinni erfist. Frjáls séreign og bundin séreign erfast, en samtryggingin erfist ekki.
Sjá nánar um Séreignarleið (Leið III)
Séreign: Íslenski lífeyrissjóðurinn býður upp á fjórar ávöxtunarleiðir fyrir séreignarhluta lögbundins lífeyrissparnaðar (frjáls og bundin séreign): Líf I, Líf II, Líf III og Líf IV. Flestir kjósa að fylgja Lífsbraut Íslenska lífeyrissjóðsins þar sem þeir færast sjálfkrafa á milli ávöxtunarleiða eftir aldri.
Samtrygging: Samtryggingarhluti lögbundins lífeyrissparnaðar fylgir sambærilegri ávöxtunarleið og Líf II.